ပျားအိမ်များ အဘယ်ကြောင့် ဆဋ္ဌဂံပုံ ရှိကြသနည်း
| | ပျားအိမ်များကို ဆဋ္ဌဂံပုံရှိ အိမ်ငယ်ကလေးများဖြင့် ညီညာစွာ တည်ဆောက်ထားသည်။ ပျားအိမ်ကို ဤကဲ့သို့ တည်ဆောက်ထားခြင်းသည် သဘာဝ၏ အံ့သြဖွယ်ရာတစ်ခု ဖြစ်သည်။ ပျားအိမ်များကို ပညာသားပါပါ တည်ဆောက်ထားသည်သာမက ကွက်လပ်များနှင့် ပစ္စည်းများကိုလည်း နည်းလမ်းတကျ အသုံးချထားသည်ကို တွေ့ရသည်။ |
အချို့ပုဂ္ဂိုလ်များက ဆဋ္ဌဂံပုံသည် သဘာဝ၏ ပုံသဏ္ဌာန်ဖြစ်သည်။ စက်လုံးပုံအရာဝတ္ထုကို ဘယ်ညာနှစ်ဘက် ဖိပေးလျှင် ဆဋ္ဌဂံပုံဖြစ်သွားသည်။ ရူပဗေဒ၏ အားပညာရပ်မှ ကြည့်ရှုပါက ဆဋ္ဌဂံပုံသည် အတည်မြဲဆုံးသော ပုံဖြစ်သည်။ ပျားအိမ်တည်ဆောက်ရာတွင် အပြန်အလှန် တွန်းဖိခြင်းကြောင့် ပျားအိမ်မှာ ဆဋ္ဌဂံပုံဖြစ်နေသည်ဟု ဆိုသည်။
၎င်းအယူအဆများ မှန်ကန်ပါသလား၊ ရှေ့ပိုင်း အယူအဆသာ မှန်ကန်သည်။ ပျားအိမ်၏ ဆဋ္ဌဂံပုံများသည် တပြင်ညီတည်း ဆက်စပ်တည်ရှိခြင်းကြောင့် အပြန်အလှန် တွန်းဖိခြင်း မပြုလုပ်နိုင်ပေ။ ထို့ကြောင့် ပျားအိမ်များကို ဆောက်ကတည်းက ဆဋ္ဌဂံပုံ ဆောက်ထားခြင်း ဖြစ်ရမည်။
ပျားအိမ်ကို ဆဋ္ဌဂံပုံဆောက်ခြင်းသည် မည်သည့်အကျိုးရရှိသနည်း။
၁၈ ရာစုခန့်တွင် ပြင်သစ်ပညာရှင်တစ်ဦးသည် ပျားအိမ်ကို ပေတံဖြင့် တိုင်းထွာခဲ့ဘူးသည်။ ထိုကဲ့သို့ တိုင်းထွာရာတွင် စိတ်ဝင်စားဖွယ်ကောင်းသော အကြောင်းအရာတစ်ခုကို တွေ့ရှိခဲ့သည်။ ဆဋ္ဌဂံပုံရှိ ပျားအိမ်ပေါက်များ၏ ထောင့်ခြောက်ထောင့်သည် တူညီသော စည်းမျဉ်းကို လိုက်နာလျက် ထောင့်ကျယ်သည် ၁၀၉° ၂၈' ၊ ထောင့်ကျဉ်းသည် ၇၀° ၃၂' ရှိသည်ကို တွေ့ရှိရသည်။
ဤကဲ့သို့ ဖြစ်ခြင်းသည် "ထန်းသီးကြွေခိုက်၊ ကျီးနားခိုက်" ဖြစ်ခြင်းလော။ ထိုအခြင်းအရာသည် ပြင်သစ်ရူပဗေဒပညာရှင်တစ်ဦးကို လှုံ့ဆော်ပေးသကဲ့သို့ ဖြစ်တော့သည်။ ထိုပညာရှင်စဉ်းစားမိသည်မှာ "ပျားအိမ်တည်ဆောက်သော ပစ္စည်းများသည် ပျား၏ကိုယ်မှထွက်လာသော ပျားဖယောင်းများ ဖြစ်သည်။ ထိုပစ္စည်းများသည် ဝန်အားခံနိုင်ရည်တွင်လည်းကောင်း၊ အပူခံနိုင်ရည်တွင်လည်းကောင်း ပထမတန်းစားပစ္စည်းများ ဖြစ်ကြသည်။ ပျားများသည် ပျားဖယောင်းထုတ်ရန် ပျားရည်များစွာကို စားသောက်ရသည်။ ပျားဖယောင်းများသည် ပျားကိုယ်မှ နည်းနည်းစီထွက်လာသော ပစ္စည်းများ ဖြစ်သည်။ ထိုကဲ့သို့ အဖိုးတန်သော ပျားဖယောင်းဖြင့် ပျားအိမ်ဆောက်ရာတွင် ဆဋ္ဌဂံပုံဆောက်ထားခြင်းမှာ ပျားအိမ်ဆောက်ပစ္စည်း အကုန်အကျ အနည်းဆုံးသောပုံစံ ဖြစ်သည့်ပြင် ထုထည်လည်း အကြီးဆုံးဖြစ်နိုင်သည့် ပုံစံကို ဆောက်ထားခြင်း မဖြစ်နိုင်ပါလော" ဟူ၍ဖြစ်သည်။
ထိုပြင်သစ်ရူပဗေဒပညာရှင်သည် သူ၏ထင်မြင်ချက်ကို ပဲရစ်သိပ္ပံကျောင်းကြီးမှ ဆွစ်ဇာလန် သင်္ချာပါရဂူတစ်ဦးအား ပြောပြပြီး အကူအညီတောင်းသည်။ သင်္ချာပါရဂူ၏ တွက်ချက်မှုအရ လူတို့ကို တုန်လှုပ်ချောက်ချားစေသော တွေ့မြင်ချက်များ ရရှိခဲ့သည်။ ထိုသင်္ချာပါရဂူ၏ တွက်ချက်မှုအရ ပစ္စည်းအနည်းဆုံးနှင့် ထုထည်အကြီးဆုံး ဆောက်နိုင်ရန် ဆဋ္ဌဂံပုံ၏ ထောင့်များသည် ၁၀၉° ၂၆' ၊ ထောင့်ကျဉ်းသည် ၇၀° ၃၄' ဖြစ်ရမည်။ ထိုတွက်ချက်ခြင်းမှ ရသော အဖြေသည် ပျားအိမ်နှင့် ၂' (နှစ်မိနစ်) သာ ခြားနား၏။
ထို့နောက် သင်္ချာပါရဂူတစ်ဦး၏ ထပ်မံတွက်ချက်မှုအရ ရရှိသောထောင့်သည် ပျားအိမ်ထောင့်နှင့် အတိအကျတူညီသည်ကို တွေ့ရသည်။ နောက်မှ ဆွစ်ဇာလန်သင်္ချာပါရဂူတွက်ချက်စဉ်က အသုံးပြုသော လော့ဂရစ်သမ်စာအုပ် မှားနှိပ်ထားကြောင်း တွေ့ရသည်။
ပျားအိမ်သည် သင်္ချာပါရဂူများကိုသာ လမ်းညွှန်ပြလိုက်သည်သာမဟုတ်၊ ဗိသုကာများ၊ ကုန်ကြမ်းပါရဂူများ၊ အထူးသဖြင့် လေယာဉ်ကိုယ်ထည်ကို ဒီဇိုင်းဆွဲပေးရသော ပုံဆွဲဗိသုကာတို့ကိုပါ များစွာအထောက်အကူ ပြုခဲ့သည်။ ဒုတိယကမ္ဘာစစ်အတွင်းက လေယာဉ်တည်ဆောက်မှုပါရဂူများသည် လေယာဉ်တည်ဆောက်ရာတွင် အကုန်အကျနည်းရန် အတွက်လည်းကောင်း၊ ကိုယ်ထည်ပေါ့ရန်အတွက်လည်းကောင်း ပျားအိမ်၏ တည်ဆောက်ပုံကို အတုယူ၍ ပျားအိမ်အထပ်ပုံတည်ဆောက်ခဲ့ကြသည်။ ထိုတည်ဆောက်ပုံအရ လေယာဉ်၏ နံရံသည် ပျားအိမ်ကဲ့သို့ အလယ်တွင် အပေါက်များသာပြုလုပ်ထားသည်။ ထိပ်မျက်နှာပြင် နှစ်ဘက်ပေါ်တွင်သာ သတ္တုပြားနှစ်ချပ် ခံထာူသည်. ထိုသို့သော လေယာဉ်နံရံသည် သတ္တုပြားတစ်ပြင်လုံထက် ပို၍ခိုင်ခံ့သည်။ အလေးချိန်လည်း ပေါ့ပါးသည်။ အပူကာခြင်း၊ အသံကာခြင်းတွင်လည်း ကောင်းမွန်သည်။ လေယာဉ်တွင်သာ အသုံးချခြင်း မဟုတ်ပေ။ အဆောက်အဦ ဆောက်လုပ်ရာတွင်လည်း ပျားအိမ်သဏ္ဌာန်တိုက်များကို ဆောက်ထားကြခြင်းသည်လည်း ထိုကဲ့သို့ ဂုဏ်သတ္တိများနှင့် ပြည့်စုံသည်။
(ပြီးပါပြီ)
စာပေဗိမာန်ထုတ် သိပ္ပံမျိုးသန့်၏ ပတ်ဝန်းကျင်မှ သင်္ချာပညာ (၁၉၉၀) တွင် ပါရှိသော ဆောင်းပါးကို ဗဟုသုတအလို့ငှါ စာစီ၍ ဖော်ပြပါသည်။ (Lu Zein)
No comments :
Post a Comment
ကွန်းမန့်လေး ထားခဲ့ပါလား